Eron hozirda 121,6 kg 60 foiz boyitilgan uranga ega.
Eron uranni boyitish jarayonini 60 foiz darajagacha sekinlashtirdi: uch oy ichida uning zaxiralari bor-yo‘g‘i 7 foizga oshdi. Bu haqda Interfax xabar berdi.
Eron hozirda 121,6 kg 60 foiz boyitilgan uranga ega. Uch oy oldin mamlakatda u 114 kg edi. Shunday qilib, bu vaqt ichida uran miqdori atigi 7 foizga oshdi - bu 2021 yildan hozirgi kungacha bo‘lgan davrda boyitish jarayonining eng kuchli sekinlashuvidir.
Taqqoslash uchun agentlik fevral oyidagi raqamlarni keltiradi, o‘shanda Eronda 87,5 kg 60 foiz boyitilgan uran bo‘lgan. Shunday qilib, fevraldan maygacha yuqori boyitilgan uran zaxiralari 30 foizga oshdi.
AQSh sobiq prezidenti Donald Tramp 2018 yilda o‘z mamlakatini Eron yadroviy dasturi bo‘yicha Qo‘shma keng qamrovli harakatlar rejasidan (JCPOA) bir tomonlama chiqargan edi. Oqibatda, Eronga qarshi sanksiyalar, jumladan, neft sektoriga qarshi sanksiyalar qayta joriy qilindi. Bu esa Tehronni kelishuvning ayrim shartlarini bosqichma-bosqich bekor qilishga undadi. AQSh amaldagi prezidenti Jo Bayden muayyan shartlar ostida kelishuvga qaytishga tayyorligini bildirdi.
Eron, Buyuk Britaniya, Germaniya, Xitoy, Fransiya va Rossiya Venada JCPOA kelishuvini tiklash bo‘yicha bir necha muzokaralar o‘tkazdi. Hozircha yakuniy qaror qabul qilinmadi.
