HAMAS Isroil bilan sulhni muhokama qilishga tayyor - OAV

7 oktyabr kuni HAMAS Isroilga bir necha ming raketa otib, «Al-Aqso to‘foni» operatsiyasini boshlagan, Isroil bosh vaziri Netanyaxu mamlakat urush holatida ekanini ma’lum qilib, HAMAS tashkilotini yo‘q qilishga va’da bergan edi.

Foto: Reuters

Falastinning HAMAS harakati Isroil bilan sulh tuzishni muhokama qilishga tayyorligini ma’lum qildi. Bu haqda Saudiyaning AlHadath telekanali xabar berdi.

«Biz [HAMAS vakillari] Isroil bilan sulhni muhokama qilishga ochiqmiz», deyiladi Falastin harakati bayonotida.

Avvalroq, HAMAS guruhi Isroilning G‘azo sektoriga ogohlantirishsiz uyushtirgan zarbalariga javoban garovga olinganlarni qatl etishni boshlash bilan tahdid qilgan, Isroil armiyasi esa garovga olinganlar xavf ostida bo‘lsa ham, G‘azo sektoridagi HAMAS pozitsiyalariga zarba berishda davom etishini ma’lum qilgan edi.

7 oktyabr kuni HAMAS Isroilga bir necha ming raketa otdi va «Al-Aqso to‘foni» operatsiyasi boshlanganini e’lon qildi. Shu fonda Isroil milliy xavfsizlik vaziri Itamar Ben-Gvir 7 oktyabr kuni mamlakatda favqulodda holat e’lon qildi.

Isroil bosh vaziri Netanyaxu mamlakat urush holatida ekanini ma’lum qilib, HAMAS tashkilotini yo‘q qilishga va’da bergan edi.

Tayyorlagan Сардор Юсупов

#Isroil #G‘azo #Hamas

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.