ҲАМАС Исроил билан сулҳни муҳокама қилишга тайёр — ОАВ

7 октябр куни ҲАМАС Исроилга бир неча минг ракета отиб, «Ал-Ақсо тўфони» операциясини бошлаган, Исроил бош вазири Нетаняху мамлакат уруш ҳолатида эканини маълум қилиб, ҲАМАС ташкилотини йўқ қилишга ваъда берган эди.

Фото: Reuters

Фаластиннинг ҲАМАС ҳаракати Исроил билан сулҳ тузишни муҳокама қилишга тайёрлигини маълум қилди. Бу ҳақда Саудиянинг AlHadath телеканали хабар берди.

«Биз [ҲАМАС вакиллари] Исроил билан сулҳни муҳокама қилишга очиқмиз», дейилади Фаластин ҳаракати баёнотида.

Аввалроқ, ҲАМАС гуруҳи Исроилнинг Ғазо секторига огоҳлантиришсиз уюштирган зарбаларига жавобан гаровга олинганларни қатл этишни бошлаш билан таҳдид қилган, Исроил армияси эса гаровга олинганлар хавф остида бўлса ҳам, Ғазо секторидаги ҲАМАС позицияларига зарба беришда давом этишини маълум қилган эди.

7 октябр куни ҲАМАС Исроилга бир неча минг ракета отди ва «Ал-Ақсо тўфони» операцияси бошланганини эълон қилди. Шу фонда Исроил миллий хавфсизлик вазири Итамар Бен-Гвир 7 октябр куни мамлакатда фавқулодда ҳолат эълон қилди.

Исроил бош вазири Нетаняху мамлакат уруш ҳолатида эканини маълум қилиб, ҲАМАС ташкилотини йўқ қилишга ваъда берган эди.

Тайёрлаган Сардор Юсупов

#Исроил #Ғазо #Ҳамас

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.