Toshkentda Nexia yonib ketdi

Toshkent shahrida Nexia mashinasi yonib ketgan. Bu haqda shahar Favqulodda vaziyatlar boshqarmasi xabar bermoqda.

Ma’lum qilinishicha, 2024 yil 3 avgust kuni soat 19:07 da Toshkent shahar FVBga Yashnabod tumani, Uysozlar ko‘chasida joylashgan, avtomobillarga yoqilg‘i quyish shoxobchasi hududida Nexia yonayotgani to‘g‘risida xabar tushgan.

Shunga ko‘ra, yong‘in-qutqaruv texnikalari aytilgan manzilga soat 19:15 da yetib borib, soat 19:19 da yong‘in o‘chirilgan.

Qayd etilishicha, hodisada hech kim halok bo‘lmagan va tan jarohatlari olmagan. Hozirda yong‘in sababi va moddiy zarar miqdori aniqlanmoqda.