Zargarlik buyumlarini noqonuniy tarzda olib kirmoqchi bo‘lgan shaxs ushlandi

Qoraqalpog‘iston Respublikasi bojxona boshqarmasi xabar berishicha, ushbu shaxs 6 turdagi 17 dona jami og‘irligi 79,50 gramm bo‘lgan qimmatbaho metall – oltindan yasalgan zargarlik buyumlarini hech qanday hujjatlarsiz olib kelayotgan bo‘lgan.

Ushbu buyumlar bojxona xodimining og‘zaki so‘rovida aytilmagan, bojxona deklaratsiyasida yozib ko‘rsatilmagan va yashirin tarzda olib o‘tishga urinilgan.

Temiryo‘l orqali harakatlanganda fuqarolar ekvivalenti 500 dollar qiymatidagi tovarlarni O‘zbekiston hududiga bojsiz olib kirishi mumkin. Qiymati undan ortgan tovarlarga nisbatan bojxona to‘lovlari undirilishi nazarda tutilgan.