Janubiy Koreya hukumati aholiga 110 dollardan tarqatadi

Koreya Respublikasi hukumati ichki talabni qo‘llab-quvvatlash dasturi doirasida mamlakatning barcha fuqarolariga 150 ming von (110 dollar) to‘lashga qaror qildi. Bu haqda Korea Herald xabar berdi.

«Iste’molchi sertifikati»ni 21 iyuldan 12 sentabrgacha olish mumkin. Kuponlar 30 noyabrgacha amal qiladi. 18 iyun holatiga ko‘ra Koreya Respublikasida istiqomat qilgan barcha fuqarolar (taxminan 50 mln kishi) to‘lovni olishi mumkin.

To‘lovlar miqdori oluvchining ijtimoiy holatiga qarab o‘zgaradi. Kam ta’minlangan fuqarolar va to‘liq bo‘lmagan oilalar kishi boshiga 300 ming von (220 dollar) oladi. Maxsus dastur bo‘yicha davlat ijtimoiy nafaqalarini oluvchi shaxslar 400 ming von (293 dollar) oladi. Qishloq joylari aholisi qo‘shimcha 30 ming von (22 dollar), maxsus maqomga ega 84 ta munitsipalitet rezidentlari esa qo‘shimcha 50 ming von (36 dollar) oladi.

Telekanal ta’kidlaganidek, to‘lovlar abituriyentlarning kredit va debet kartalari, belgilangan miqdorga ega debet kartalari yoki sovg‘a sertifikatlari ko‘rinishida amalga oshirilishi mumkin. Biroq, mablag‘larni faqat yashash hududida sarflash mumkin.

Yonhap agentligi ma’lumotlariga ko‘ra, xorijliklar hech qanday to‘lov olmaydi, biroq, doimiy «propiska»ga ega bo‘lgan shaxslar, Koreya Respublikasi fuqarolarining turmush o‘rtog‘i yoki qochqinlar bundan mustasno.

22 sentabrdan 31 oktyabrgacha 100 ming von miqdorida to‘lovlarning ikkinchi bosqichi ham rejalashtirilgan bo‘lib, undan fuqarolarning 90 foizi foydalanishi mumkin bo‘ladi – bundan eng yuqori daromadga ega bo‘lgan 10 foiz aholi mustasno.