Eron va Iroq xavfsizlik borasida kelishuv imzoladi

Iroqda bo‘lib turgan Eron milliy xavfsizlik oliy kengashi kotibi Ali Larijoni Livanga borishi kutilmoqda.

Foto: Mehr News Agency

Eron va Iroq xavfsizlik sohasida o‘zaro hamkorlik qilish bo‘yicha kelishuv imzoladi, deb xabar berdi "Mehr" agentligi.

"Biz Iroq bilan juda muhim mavzu bo‘lgan xavfsizlik borasidagi kelishuvni ishlab chiqdik. Eronning qo‘shnilar bilan munosabatlarida eronliklar xavfsizligi diqqat markazida turadi, lekin shu bilan birga, Eron bu masalada qo‘shni mamlakatlarga ham e’tibor qaratadi", - dedi Eron milliy xavfsizlik oliy kengashi kotibi Ali Larijoni Bag‘dodga tashrifi chog‘ida.

Kelishuvni Larijoni va Iroq milliy xavfsizlik kengashi maslahatchisi Qosim al Araji imzolagan.

Larijoni tez orada Iroqdan Livanga yo‘l olishi kutilmoqda.

#Iroq #Eron

Kun.uz yangiliklarini Google News'da kuzating

+ Obuna bo'lish