Kun.uz'da chiqqan 80 yoshli bog‘bon ham davlat mukofoti bilan taqdirlandi

Farg‘onalik bog‘bon Habibidin Ismoilov O‘zbekiston mustaqilligining 34 yilligi arafasida davlat rahbari tomonidan “Do‘stlik” ordeni bilan taqdirlandi.

80 yoshli Habibiddin ota avvalroq Kun.uz'ning “Hayotiy hikoyalar” rukni qahramonlaridan biri bo‘lgandi.

Ushbu ruknda e’lon qilgan materialimizda aytganimizdek, Habibiddin ota Farg‘ona tumanining Oqbilol qishlog‘ida yashaydi. 3 gektar maydonda uzumbog‘ yaratgan. Qolaversa, anchagina qo‘ylari ham bor, qirlikda har kuni ularni o‘zi boqadi.

Prezident Shavkat Mirziyoyevning ushbu farmoni bilan, shuningdek, Kun.uz'ning “Hayotiy hikoyalar” rukni boshqa bir qahramoni – oltiariqlik Zuhraxon Oripova “Jasorat” medali bilan taqdirlandi.