Telekommunikatsiyalarni tartibga solish agentligi tashkil etiladi

Prezident farmoniga ko‘ra, yangi agentlik mustaqil idora bo‘lib, Vazirlar Mahkamasiga hisobdor bo‘ladi. Agentlik operator va provayderlar ko‘rsatayotgan xizmatlar sifatini oyiga kamida 1 marta monitoring qilib boradi.

Foto: Kun.uz / Nuriddin Nursaidov

“Telekommunikatsiyalar sohasida tartibga solish tizimini takomillashtirish chora-tadbirlari to‘g‘risida”gi prezident farmoni qabul qilindi.

Farmonga ko‘ra, Telekommunikatsiyalarni tartibga solish agentligi tashkil etiladi.

Agentlik operator va provayderlar tomonidan ko‘rsatilayotgan xizmatlar sifatining belgilangan talablarga muvofiqligini tasdiqlangan rejaga muvofiq har oyda kamida 1 marotaba monitoring qilib boradi.

Agentlik moliyaviy va tuzilmaviy jihatdan hamda vakolati doirasida qaror qabul qilishda mustaqil hisoblanadi hamda o‘z faoliyatida Vazirlar Mahkamasiga hisobdor bo‘ladi.