Telekommunikatsiyalarni tartibga solish agentligi direktori tayinlandi

Quryozov tayinlovga qadar Vazirlar Mahkamasining Sun’iy intellekt va raqamli texnologiyalarni rivojlantirish masalalari departamenti rahbari o‘rinbosari – sun’iy intellekt texnologiyalarini rivojlantirish bo‘limi boshlig‘i lavozimida faoliyat yuritgan.

Telekommunikatsiyalarni tartibga solish agentligi 2025 yil avgust oyidagi prezident farmoni asosida tashkil etilgan.

Agentlikning asosiy vazifalariga quyidagilar kiradi:

• telekommunikatsiya sohasidagi faoliyat va munosabatlarni tartibga solish;
• telekommunikatsiya sohasida yuridik shaxslar faoliyatiga litsenziya va ruxsat berish;
• telekommunikatsiya tarmoqlari va inshootlarini qurish bo‘yicha loyiha-smeta hujjatlarini ekspertiza qiluvchi yuridik shaxslarni akkreditatsiyalash;
• telekommunikatsiya xizmatlarining ayrim turlarini, shuningdek tarmoqlararo ulanishlar tariflarini tartibga solish;
• telekommunikatsiya tarmoqlarini kengaytirish tizimini rivojlantirish;
• global axborot tarmog‘ining milliy segmenti manzil fazosidan foydalanish tartibini ishlab chiqish, domen nomlari tizimini belgilash;
• telekommunikatsiya uskunalarini markirovkalash;
• universal xizmatlar ro‘yxati va ularning sifatiga qo‘yiladigan talablarni belgilash;
• operatorlar va provayderlar uchun teng shart-sharoitlar ta’minlashga ko‘maklashish;
• erkin raqobat asosida telekommunikatsiya xizmatlari bozorini shakllantirish va rivojlantirishga ko‘maklashish va boshqalar.