YeK AQShdan sanoat tovarlariga bojlarni bekor qilishga tayyorlanmoqda

Yevropa Ittifoqi AQShdan sanoat tovarlari uchun barcha bojlarni bekor qilishni rejalashtirmoqda. 28 avgust, payshanba kuni Yevrokomissiya qonun loyihasini e’lon qildi, unga ko‘ra ushbu tovarlarga, jumladan, Amerika avtomobillariga ham bojlar nol foizga tushiriladi. YeK shuningdek, AQShdan dengiz mahsulotlari va qishloq xo‘jaligi mahsulotlarining ayrim turlari uchun imtiyozlar berish niyatida.

Bu harakatlar AQSh prezidenti Donald Trampning Yevropa Ittifoqidan avtomobillarga Amerika bojlarini kamaytirishni taklif qilgan talablariga javob bo‘ldi.

«Ikki tomon ham o‘z majburiyatlarini bajarishi va kelishuvning to‘liq bajarilishini ta’minlashi bizning umumiy manfaatlarimizdir», — dedi Yevropa Ittifoqining savdo bo‘yicha komissari Marosh Shefchovich.

27 iyul kuni Yevrokomissiya rahbari Ursula fon der Lyayyen va Donald Tramp 1 avgustdan boshlab Vashington Yevropa tovarlarining qariyb 75 foiziga 15 foizlik bojlar joriy etishi haqida kelishib oldi. Buning evaziga Yevropa Ittifoqi AQShdan 750 milliard dollarlik (638 milliard yevro) energiya tashuvchilar sotib olishga va AQSh iqtisodiyotiga 600 milliard dollar (510 milliard yevro) sarmoya kiritishga va’da berdi.