O‘zbekiston va Moldova yuk tashuvlarini ruxsatnomasiz shaklga o‘tkazadi

2026 yildan boshlab O‘zbekiston va Moldova ikki tomonlama va tranzit yuk tashuvlarini ruxsatnomasiz tizimga o‘tkazish haqida bayonnoma imzoladi.

Foto: Transport vazirligi

Kishinyov shahrida avtomobil tashuvlari masalalari bo‘yicha O‘zbekiston-Moldova qo‘shma komissiyasining yig‘ilishi bo‘lib o‘tdi.

Unda avtomobil transportida xalqaro yuk tashuvlari masalalari bo‘yicha amaldagi kelishuvlarga o‘zgartirish kiritish bo‘yicha bayonnoma imzolandi.

Transport vazirligi xabariga ko‘ra, bayonnomaga asosan 2026 yil boshidan Moldova bilan ikki tomonlama/tranzit yuk tashuvlarida ruxsatnomasiz tizimga o‘tish ko‘zda tutilgan.

“Mazkur kelishuv avtomobil transportida Yevropa yo‘nalishida yuk tashuvlarini rivojlantirishda milliy tashuvchilarga qo‘shimcha qulaylik yaratib, tashqi iqtisodiy aloqalar rivoji va eksport zanjiri barqarorligini ta’minlashga munosib hissa qo‘shadi”, – deyiladi vazirlik xabarida.