OChL-2. «Andijon» qatorasiga uchinchi o‘yinni golsiz durang bilan yakunladi

Andijonliklar hujumlarni muvaffaqiyatli yakunlashda muammolarga duch kelmoqda.

Osiyo Chempionlar Ligasi 2 guruh bosqichidan o‘rin olgan «Andijon» va Bahraynning «Al-Xolidiya» o‘rtasidagi bahs golsiz yakunlandi. Ushbu turnir nufuzi jihatidan Osiyo Chempionlar Ligasi Elit musobaqasidan keyingi o‘rinda turadi.

22 oktabr kuni Andijonda o‘tkazilgan bahsda tomonlar darvozani ishg‘ol qilolmadi, natijada mezbonlar qatorasiga uchinchi o‘yinni golsiz yakunladi.

Bu natijadan so‘ng, «Andijon» 3 ochko jamg‘ardi va guruhda ikkinchi o‘rinni egallab turibdi. «Al-Xolidiya» 5 ochko bilan peshqadamlik qilmoqda.

«Andijon» turnirdagi navbatdagi o‘yinini 5 noyabr kuni safarda yana «Al-Xolidiya»ga qarshi o‘tkazadi.

OChL-2. Guruh bosqichi, 3-tur
22 oktabr, Andijon
«Andijon» 0–0 «Al-Xolidiya» (Bahrayn)

Bosh hakam: Ahmad Yoqub Ibrohim (Iordaniya)

«Andijon»: Erjan Tokotayev, Sunnatulloh Hamidjonov, Shahzod Azmiddinov, Otabek Jo‘raqo‘ziyev (Shohjahon Yorqinboyev 79), Sardorbek Azimov, Damir Temirov (Saidumarxon Saidnurullayev 73), Usmonali Ismonaliyev, Doniyor Abdumannopov (Ismoil Akinade 74), Muhammadkarim Toirov, Kristian Novak, Bektemir Abdumannonov

«Al-Xolidiya»: Rikardo Manuel, Said Ziyo, Ahmad Bugammar, Klayd O'Konnel (Hazza Ali 46), Gleyson Uilson, Komil Al-Asvad, Saididdin Buhra (Muhammad Odil 62), Mendi Dominik, Ayub Amlud, Ayman Dairani, Joel Beya (Muhammad Romaihiy 71)