Qoʻshimcha funksionallar
-
Tungi ko‘rinish
Gurjistonda qo‘lga olingan qidiruvdagi ikki shaxs O‘zbekistonga topshirildi
Tbilisi shahri aeroportida Gurjistonning vakolatli organlari tomonidan yirik miqdordagi firibgarlik va odam savdosi jinoyatlarini sodir etganlikda ayblanib, xalqaro qidiruvda bo‘lgan ikki nafar shaxs O‘zbekiston Ichki ishlar vazirligi Interpol Milliy markaziy byurosi vakillariga topshirildi.
Foto: IIBB
Ma’lum qilinishicha, Interpol kanallaridan samarali foydalanish natijasida qidiruvda bo‘lgan shaxslarning transchegaraviy harakatlari aniqlanib, ular Gurjiston hududida qo‘lga olingan.
Keyinchalik, ko‘p qirrali ishlar va yo‘lga qo‘yilgan ikki tomonlama hamkorlik natijasida Interpolning xalqaro maydonlarida bo‘lib o‘tgan uchrashuv va muzokaralar chog‘ida Toshkent hamda Tbilisi Milliy markaziy byurolari o‘rtasida qidiruvdagi shaxslarni O‘zbekiston tomoniga topshirish masalasida kelishuvga erishilgan.
Xususan, O‘zbekiston Bosh prokuraturasining qo‘llab-quvvatlashi va iltimosiga ko‘ra, tergov materiallari asosida Gurjiston Adliya vazirligi tomonidan qidiruvdagi shaxslarni ekstraditsiya qilish to‘g‘risidagi so‘rov qanoatlantirilgan. Natijada ular Toshkentga olib kelinib, Islom Karimov nomidagi xalqaro aeroportda jinoiy xatti-harakatlar sodir etganlik uchun jinoiy javobgarlikka tortish maqsadida IIB xodimlariga topshirilgan.
Mavzuga oid
11:12 / 12.12.2025
Yevropa sudi Gurjistonni namoyishchilarga nisbatan zo‘ravonlikda aybdor deb topdi
11:03 / 02.12.2025
OAV: Gurjiston namoyishlarni tarqatishda kimyoviy modda qo‘llagan bo‘lishi mumkin
23:19 / 13.11.2025
Saakashvili 2022 yildan beri yashagan klinikadan qamoqqa qaytarildi
08:52 / 13.11.2025