Yashnoboddagi yong‘inda bir kishi halok bo‘ldi

Toshkentning Yashnobod tumani Parkent ko‘chasida, Aviator savdo-ko‘ngilochar majmuasida sodir bo‘lgan yong‘indan so‘ng olib borilgan dastlabki o‘rganish ishlarida vayronalar ostida bir kishining jasadi topildi. Bu haqda Favqulodda vaziyatlar vazirligi ma’lum qildi.

Foto: FVBB

FVV vakilining so‘zlariga ko‘ra, yong‘in oqibatida 2023 yilda tug‘ilgan go‘dak halok bo‘lgan. U aniq ma’lumotlar olinganidan so‘ng yana qo‘shimcha ma’lumot berilishini aytdi. Vazirlik xabar berishicha, yong‘in haqida poytaxt FVBBga 31 yanvar soat 15:47 da xabar kelib tushgan bo‘lib, soat 15:53 da qutqaruv ekipajlari voqea joyiga yetib borgan va birinchi navbatda bino ichidagi hamma odamlar evakuatsiya qilingan. Yong‘in soat 17:17 da to‘liq bartaraf etilgan.

Yong‘inni bartaraf etish ishlariga favqulodda vaziyatlar vaziri Azizbek Ikromov boshchilik qildi.

Avvalroq Korzinka supermarketlar tarmog‘i ushbu savdo markazining 1-qavatidan ijara asosida foydalanishi, yong‘in esa binoning 2-qavatida boshlanganini ma’lum qilgandi.