Yakkasaroyda 101 mln so‘m olgan gaz ta’minoti sohasi xodimi ushlandi

Yakkasaroy tumanida gaz hisoblagich uskunasini yuqori sig‘imli uskunaga almashtirib berish va texnik shartlarni tayyorlab berishni va’da qilgan gaz ta’minoti sohasi xodimi 101 mln so‘mni olgan vaqtida ushlandi.

Foto: Prokuratura departamenti

Bosh prokuratura huzuridagi departamentning Yakkasaroy tumani bo‘limi va boshqa huquqni muhofaza qiluvchi organlar xodimlari hamkorligida tezkor tadbir o‘tkazildi.

Unda “Yangihayot tumangaz” gaz ta’minoti filialida bo‘lim boshlig‘i lavozimida ishlovchi E.P. (hozirda sobiq) Q-M. oilaviy korxonasiga qarashli kafeda o‘rnatilgan gaz hisoblagich uskunasini yuqori sig‘imli gaz hisoblagichga almashtirib, texnik shartlarni tayyorlab berish evaziga A.O.dan 101 mln so‘mni firibgarlik yo‘li bilan olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) hamda 28, 211-moddalari (pora berish) bilan jinoyat ishi qo‘zg‘atilib, tergov harakatlari olib borilmoqda.