ЖАРда энг йирик қуёш электр станцияси ишга туширилди

Италиянинг Enel энергокомпаниясининг Жанубий Африка Республикасидаги (ЖАР) филиали Enel Green Power RSA ЖАРдаги энг катта қуёш электр станцияси – Paleisheuwel‘ни ишга туширди, деб хабар бермоқда "Интерфакс" ахборот агентлиги. 

Маълум қилинишича, 82,5 МВт қувватга эга электр станцияси йилига 153 ГВт электр энергия ишлаб чиқара олади. Шунингдек, у 48 мингта оиланинг электр энергияга эҳтиёжини таъминлай олади ҳамда атмосферага 140 минг тоннадан кўпроқ карбонат ангидрид чиқарилишига барҳам беради.

Enel Green Power RSA ЖАРда шунингдек 10 МВт лик Upington қуёш электр станциясини ҳам бошқаради. Бундан ташқари, компаниянинг умумий қуввати 430 МВт лик лойиҳалари қурилиш босқичида турибди, улар орасида 3 та қуёш электр станцияси ва 2 та шамол парки бор.