Украина Россия электр энергиясига муҳтож эмас

Украина жазирама туфайли электр энергияси танқислигига дуч келаётгани йўқ. Шу боис, Россиянинг электр энергияси етказиб беришига муҳтож эмас, деб баёнот берган Украина энергетика ва кўмир саноати вазири Игорь Насалик фейсбукдаги саҳифасида.

Унинг айтишича, мамлакатда ҳеч қандай энергетика инқирози юз бермайди, бундан ташқари, Украинада 2 минг мВт танқислик эмас, балки 2,2 минг мВт ортиқча электр энергияси мавжуд, шундай экан, Россиянинг ёрдами керак эмас. 

Аввалроқ, Украина Россиядан электр энергияси сўрагани ҳақида хабар қилинган эди.