Жанубий Корея компанияси NASAга литий-ион батареялари етказиб беради

Фото: reddit

Жанубий Кореянинг LG Chem Ltd. компанияси NASA литий-ионли аккумулятор батареяларини етказиб бериш бўйича шартнома имзолади. Улар, фазогирларнинг скафандрларида қўлланилади, дейилади компания тарқатган ахборотда.

"Бу жанубий кореялик компания ва NASA ўртасидаги илк шартномадир", - деб аниқлик киритилган ҳужжатда. Унга кўра, маҳсулотларни етказиб бериш жорий йилнинг иккинчи ярмидан бошланади.

LG Chemнинг қайд этишича, NASA билан ҳамкорлик "шубҳасиз, авиация ва аэрокосмик соҳада фаолият юритувчи бошқа компаниялар билан ҳам ҳамкорликни йўлга қўйишни истаётган фирма ишларига ижобий таъсир кўрсатади".

Шундай бўлса-да, битимнинг молиявий жиҳатлари сир тутилмоқда.

#LG #Жанубий Корея #NASA #литий-ионли батарея

Kun.uz янгиликларини Google News'да кузатинг

+ Обуна бўлиш