Афғонистон пойтахтида содир этилган портлаш натижасида камида 10 киши ҳалок бўлди ва яна шунча киши яраланди. Бу ҳақда мамлакат ИИВ маълумотига асосланиб, Reuters агентлиги хабар бермоқда.
Агентлик маълумотига кўра, портлаш худкуш-террорчи томонидан амалга оширилган.
Tolo News телеканалининг хабар беришича, Кобулдаги оммавий намойишлар чоғида икки марта портлаш овози эшитилган.
Сўнгги маълумотларга кўра, ҳалок бўлганлар сони 20 кишини, жабрланганлар сони эса 170 кишини ташкил қилмоқда. Бу ҳақда мамлакат соғлиқни сақлаш вазирлиги баёнот берган.
