Теҳроннинг шимолидаги Караж-Чалус трассасида йўловчи автобус қулаб кетди. Йўл транспорт ҳодисаси (ЙТҲ) натижасида 16 нафар киши ҳалок бўлди, 12 нафари эса жароҳатланди. Бу ҳақида Тасним агентлиги хабар берди.
“Автобус 23 июль, шанба куни маҳаллий вақт билан соат 14:55да электр узатиш таянчига урилиб тўнтарилган, афсуски 16 киши ҳалок бўлган”, - дейилади манбада. Шунингдек 12 киши турли жароҳатлар олиб, шифохонага етказилганлиги маълум қилинган.
Караж-Чалус трассаси сайёҳлар орасида жуда машҳур: саёҳатчилар мамлакат шимолидаги диққатга сазовор жойларни томоша қилиш учун ушбу хавфли йўлдан ўтишади.
