Эронда Али Хоминаийнинг дафн маросими ўтказилмоқда – суратлар

Эронда мамлакатнинг марҳум раҳбари, феврал ойи охирида – Яқин Шарқдаги урушнинг илк кунида Исроилнинг Теҳронга йўллаган авиазарбаси оқибатида ҳалок бўлган Али Хоминаий дафн этилмоқда. Видеолашув маросими олти кун давом этади. Маросим 3 июл куни Теҳронда бошланганди, у ерда Хоминаийнинг тобути қўйилган имом Ҳумайний масжидига ўн минглаб эронликлар келишди. Кейин маросим Қум шаҳрига кўчди. Шундан кейин тобут Ироққа олиб борилади ва у ерда ҳам мотам маросимлари ўтказилади – Нажаф ва Карбало шаҳарларида (бу шаҳарда шиаларнинг асосий қадамжоларидан бири жойлашган). 9 июл куни Али Хоминаий ўзи туғилган Машҳад шаҳрига дафн этилади.

Теҳронда, Хоминаийнинг тобути шаҳар бўйлаб олиб юрилганида унинг ортидан ҳаракатланган одамлар Америка ва Исроилга ўлим тилаб ҳайқиришди. Кўпчиликнинг қўлида «Трампни ўлдиринг!», «Бибига ўлим!», «Биз сиз учун борамиз!» ва «Бош кўтарамиз!» шиорлари ёзилган плакатлар бўлган. Одамлар қасосни ифодаловчи қизил байроқларни кўтаришган ва шундай ҳайқиришган: «Қасос, қасос!» Йиғилганлардан кўпчилиги кўз ёш тўккан. Али Хоминаийнинг ўлимидан кейин катта ўғли Мужтаба Хоминаий унинг ворисига айланди, у ҳам авиазарба вақтида отаси билан бир бинода бўлган ва жиддий тан жароҳатлари олган. Шундан буён Мужтаба Хоминаий жамоатчиликка кўриниш бермади. Отасининг дафн маросимида ҳам қатнашмаяпти.