ОАВ: КХДР Жанубий Кореянинг «хоинона режа»сини фош этди

Фото: AFP

Шимолий кореялик чегарачиларга, сўнгги вақтларда мамлакат соҳилларида пайдо бўлаётган илонларни ушлаш кўрсатмаси берилди. Расмий Пхеньяннинг тахминига кўра, бу ҳайвонлар КХДР халқи орасида тартибсизликни келтириб чиқариш мақсадида жанубдаги қўшниси ташаббуси билан қўйиб юборилаётган бўлиши мумкин, деб ёзади The Guardian газетаси.

Қайд этилишича, Шимолий Кореянинг эҳтимолига кўра, мамлакатнинг Хитой билан чегарадош Янгандо вилоятида илонларнинг ҳаддан ортиқ кўпайиши ортида айнан жанубий кореялик махсус хизматлар турибди.

Янгандо вилоятидаги манбанинг айтишича, чегарачиларга ушбу судралиб юрувчи ҳайвонларни Ялуцзян дарёсига тушмасданоқ тутиш топширилган.

Пхеньяннинг уқдиришича, илонларни чегараортига юбориш - Жанубий Кореянинг шимолликлар бирлигига раҳна солиш мақсадида амалга ошираётган ғаразли режаси ҳисобланади.

#КХДР #Жанубий Корея #илон

Kun.uz янгиликларини Google News'да кузатинг

+ Обуна бўлиш