Латвия давлат полицияси Twitter саҳифасида ёз мавсумини ҳалқаро қидирувга бергани ҳақида маълум қилди.
"Оператив-қидирув ишлари натижасида аниқланишича, ёз мавсуми мамлакат ҳудудини тарк этган. Шу муносабат билан, Ёз ҳалқаро қидирувга берилади", — деб ёзилган Латвия полициясининг расмий саҳифасида. Албатта, бу хабар киноя мазмунида ёзилган.
Хабарларга кўра, сўнгги икки ҳафтадан бери Латвияда сурункали ёмғир кузатилмоқда, ҳаво ҳарорати эса, 20 даражадан кўтарилмаяпти.
