Британияда Brexit’дан кейин сайёҳлик авж олди

Буюк Британияга ташриф буюраётган сайёҳлар сони мамлакатнинг Европа Иттифоқидан чиқиши бўйича ўтказилган референдумдан бир ой кейин 18 фоизга ошди. Бу ҳақда Tourism Alliance тадқиқотига иқтибос келтирган ҳолда Trevelmole портали хабар бермоқда. 

Сайёҳлик бозорининг 500 иштирокчиси орасида ўтказилган тадқиқот фунт стерлингнинг заифлашиши британияликлар орасида хорижий ва ички сайёҳликнинг ривожланишига кўмак беришини кўрсатди. Бироқ Tourism Alliance директори Курт Янсон бундай ўсиш қисқа муддатли бўлишини таъкидлаб ўтди. Шу муносабат билан сармоячилар маҳаллий сайёҳлик бизнесининг келажаги борасида иккиланмоқда.

Янсон 70 фоиз хорижий сайёҳлар Европа Иттифоқи давлатларидан келишини ва шунинг учун сайёҳлик соҳаси учун Европа Иттифоқи ва Буюк Британия фуқароларининг эркин ҳаракатланиши имкониятини сақлаб қолиш муҳимлигини таъкидлаб ўтди.