Mitsubishi раҳбари электр кроссоверининг пайдо бўлиши муддатига ойдинлик киритди

2020-йили Япониянинг Mitsubishi Motors компанияси электрмоторда ҳаракатланувчи биринчи кроссоверини серияли тарзда ишлаб чиқаришни йўлга қўяди. У бутун дунё бўйлаб сотилади, дея маълум қилган автомобилсозлик компанияси раҳбари Осама Масуко. 

Motoring нашрининг хабарига кўра, йўлтанламас аккумуляторни қайта қувватлантирмасдан 400 кмгача масофани ортда қолдира олади. Бундан ташқари, унинг барча ғилдираклари етакчи бўлади, муқобил бошқариш ва янги тўплам хавфсизлик тизимлари ўрнатилиши кутилмоқда. 

Хабарларга кўра, Ground Tourer концепт-кари янги моделнинг пайдо бўлишини билдиради, дейиш мумкин. Шу йилнинг октябрь ойида намойиш этилиши кутилаётган прототипнинг илк тизери июнь ойи охирида намойиш этилган эди. 

Mitsubishi компаниясида таъкидлашларича, Ground Tourer 2015-йили намойиш этилган XR-PHEV ва eX Concept моделларига ажойиб ўринбосар бўлади. Бу машиналарнинг биринчиси гибрид русумли бўлиб, 163 от кучига эга бензинли ва мотор ўрнатилган бўлса,  иккинчиси электромобиль ҳисобланади.