Москва Сурия-Туркия чегарасидаги кескинликнинг авж олишидан хавотирланмоқда. Бу ҳақда Россия ташқи ишлар вазирлигида маълум қилинди.
"Москва Сурия-Туркия чегарасида юз бераётган ҳодисалардан хавотирланмоқда. Бу биринчидан, ихтилоф ҳудудида вазиятнинг янада ёмонлашиши, жумладан тинч аҳоли орасида қурбонлар бўлиши ҳамда курд ва араблар ўртасида элатлараро зиддиятларни ҳисобга олган ҳолда хавотир уйғотмоқда. Сурия ихтилофи фақатгина пухта халқаро ҳуқуқ асосида, барча этник ва диний гуруҳлар иштирокидаги Сурия ичра суҳбат орқали ҳал қилиниши мумкин", дейилмоқда Россия ташқи ишлар вазирлиги сайтида жойлаштирилган хабарда.
Туркия армияси халқаро коалиция самолётлари кўмагида Суриянинг Жараблус шаҳрини ИШИД жангариларидан озод қилишни бошлади. Туркия ушбу операциянинг бошланишидан Россияни расман хабардор қилган.
