Япония Россия билан тинчлик шартномасини Куриль масаласига боғламоқда

Япония Россия билан тинчлик шартномасини имзолаш бўйича музокараларни Жанубий Курилдаги 4та оролни қайтариш негизида олиб боради. Бу ҳақда, Япония ҳукумати бош котиби Ёсихидэ Суга баёнот берган, дея хабар қилмоқда ТАСС агентлиги.

3 сентябрь куни Россия президенти Владимир Путин Япония бош вазири Синдзо Абэ билан ўтказган музокараларида Куриль ороллари хусусида ҳам сўз юритилганини айтганди. Россия етакчиси Япония билан тинчлик шартномаси имзоланиши учун ўзаро чуқур ишонч ва мағлуб томон бўлмаслиги шарт, деган фикрни билдирган эди.