Хитой "Тяьгунь-1" орбита станицияси назорати қўлдан чиқарилганини тасдиқлади

Хитой ҳукумати "Тяьгунь-1" биринчи миллий космик станцияси устидан назорат йўқотилганини тан олди. Ҳозирда у орбита бўйлаб бошқарувсиз ҳаракатланмоқда ва аста-секинлик билан пастламоқда. Бу ҳақида ScienceAlert маълум қилди. 

11 метрли станция 2011 йилда космосга чиқарилган, ўтган вақт давомида уни "олтита тайконавт", шу жумладан космосга чиққан илк хитойлик аёл ҳам зиёрат қилган. Энди эса хитойлик мутахассислар станциянинг бошқарувсиз қолгани ҳақидаги маълумотларни тасдиқлашди ва унинг Ерга қулаши 2017 йилнинг биринчи ярмига тўғри келишини маълум қилишди. 

Станциянинг қулаш вақти ва ҳудудини олдиндан билишнинг иложи йўқ, бироқ тахминларга кўра, тузилмаларнинг катта қисми атмосфера қатламларида ёниб кетади.