Дунёнинг энг нуфузли кишилари рейтинги тақдим этилди
Bloomberg нашри дунёнинг энг нуфузли 50 кишиси рейтингини янгилади. Шарафли 1-ўрин Буюк Британиянинг янги бош вазири Тереза Мэйга насиб этди. 2-ўринни АҚШ президентлигига номзодлар Дональд Трамп ва Ҳиллари Клинтонлар бўлишиб олишди. ХХР раиси Си Цзинпинь 4-ўринга лойиқ кўрилди. Кучли бешликни Amazon асосчиси ва раҳбари Жефф Безос якунлади.
Германия канцлери Ангела Меркель дунёнинг энг нуфузли кишилари рейтингида 6-ўринни эгаллади. 7-ўринга Европа Марказий Банки президенти Марио Драги муносиб кўрилди. АҚШ Федерал резерв раиси Жанетт Йеллен 8-поғонада қайд этилди. 9-ўрин Berkshire Hathaway бош директори Уоррен Баффет томонидан банд қилинди. 10-ўринни эса Бразилия Федерал судьяси Серҳио Моро эгаллади.
Бу йил номи кўп тилга олинган кишиларга тўхталадиган бўлсак, Tesla Motors раҳбари Илон Маск рўйхатнинг 11-поғонасидан жой олди. Alibaba асосчиси Жек Ма номи 17-ўринда қайд этилди. Россия президенти Владимир Путин дунёнинг нуфузли кишилари рейтингининг 30-ўринга муносиб кўрилган. Facebook ижтимоий тармоғининг бош директори ва ҳаммуассиси Марк Цукерберг эса 39-ўринни эгаллади.
Мавзуга оид
14:23 / 27.09.2024
Дунёдаги энг бахтли шаҳарлар рейтинги эълон қилинди
20:30 / 18.09.2024
Ўзбекистон электрон ҳукумат рейтингида 6 поғона юқорилади
18:35 / 12.09.2024
2024 йилда дунёда энг кўп сотилган автомобиллар ўнталиги маълум қилинди
23:17 / 08.08.2024