Нью-Йоркдаги тоннелда иккита автобус тўқнашиб кетиши оқибатида 20дан зиёд киши жароҳатланди

АҚШнинг Нью-Жерси ва Нью-Йорк штатларини боғлаб турувчи Линкольн тоннелида иккита автобус тўқнашиб кетди. Оқибатда 24 киши жароҳатланди. Бу ҳақда NBC телеканали хабар бермоқда.

Автобуслар аварияси маҳаллий вақт билан тахминан 8:50да (Тошкент вақти билан 17:50) юз берган. Маҳаллий ёнғин хавфсизлиги хизматининг хабарига кўра, жароҳатланганлар орасидан бир кишининг аҳволи оғир, дея баҳоланган.

Маълумот учун, Нью-Йорк ва Нью-Жерсини боғлаб турувчи ушбу тоннелда бир йилда 42 миллионга яқин машина ҳаракатланади.