Etihad Airways самолёти Абу-Дабига фавқулодда қўнишни амалга оширди

Бирлашган Араб Амирликларининг Etihad Airways миллий авиакомпаниясининг бортида 329 нафар йўловчи бўлган самолёти мамлакат пойтахти Абу-Даби шаҳри аэропортига фавқулодда қўнишни амалга оширди, дея хабар қилмоқда Associated Press агентлиги.

Маълумотларга кўра, ҳодиса 27 сентябрда юз берган. Ўшанда, Абу-Даби-Сидней йўналиши бўйича EY450 рейсини амалга ошираётган Boeing-777 ҳаво кемаси Абу-Дабидан ҳавога кўтарилгач, кўп ўтмай БАА пойтахтига қайтган. Бунга двигателнинг ишдан чиққани сабаб бўлган. 

Бироқ, ҳозирча, двигатель нима сабабдан ишламай қолганига ойдинлик киритилмаган.