Путин октябрь ойида Туркияга бориши мумкин

Россия президенти Владимир Путин октябрь ойида Туркияга бориши мумкин. Бу ҳақида РИА "Новости" хабар берди. 

Президентнинг матбуот котиби Дмитрий Песковнинг маълум қилишича, Кремль барча тайёргарлик чора-тадбирлари якунига етганидан сўнг расмий баёнот беради. 

"Бу эҳтимолдан холи эмас. Барча тайёргарлик ишлари якунига етганидан сўнг биз шунга мувофиқ баёнот берамиз", - деди Песков. 

Бундан аввал Путиннинг Туркия президенти Ражаб Тоййиб Эрдўған билан телефонда суҳбатлашгани ва у билан икки томонлама ҳамкорлик масалаларини муҳокама қилгани ҳақида хабар берилган.