Фото: newinform.com
Сўнгги 3 ҳафтада Ҳиндистон шарқидаги Одишья штатида беш ёшгача бўлган камида 40 нафар бола япон энцефалити хасталигидан вафот этган. Бу ҳақда, мамлакат соғлиқни сақлаш вазирлиги хабар қилмоқда.
Вазирлик маълумотларига кўра, "ўлим билан тугаши мумкин бўлган хавфли касаллик Малкангири округида тарқалган. Бу ерда 38 бола ҳалок бўлган, 60дан ортиғи шифохонага ётқизилган".
Округнинг 33дан ортиқ аҳоли пунктида вирус ташувчи чивинлар кўплиги аниқланган. Улар, касалликни чўчқалардан одамларга юқтиради.
Япон энцефалити – инсон бош миясини зарарловчи оғир инфекцияли касаллик тури ҳисобланади. Касалликнинг биринчи ҳафтасида 40-70 фоиз ҳолларда ўлим қайд этилиши мумкин.
