Балида кўприк қулаши оқибатида 34 киши ҳалок бўлди
Индонезиянинг Бали оролидаги осма кўприкнинг қулаши оқибатида 34 киши ҳалок бўлди, деб хабар бермоқда РИА “Новости” ахборот агентлиги. Аввалроқ 9 киши ҳалок бўлгани, 18 киши жароҳатлангани маълум қилинганди.
Воқеа маҳаллий вақт билан соат 19:30 ларда юз берган. Нуса Лембонган ва Нуса Ченинган оролларини боғловчи кўприкнинг қулашига унга катта юклама тушиши сабаб бўлган. Кўприк ундан бир вақтда катта миқдордаги одамлар ва транспорт ўтишига мўлжалланмаган бўлган.
"Диний маросим вақтида кўприк орқали жуда кўп одам ва транспорт воситалари ўтиши оқибатида унинг тросларидан бири узилиб кетган", деб маълум қилди қидирув-қутқарув масалалари бошқармаси бошлиғи Диди Ханзар.
Айни вақтда қидирув-қутқарув операцияси тўхтатилган, у 17 октябрь эрталаб давом эттирилади. Кўприк қулаши оқибатида бедарак йўқолганларнинг аниқ сони ҳанузгача номаълум.
Мавзуга оид
15:02 / 20.08.2024
Австралия ва Индонезия мудофаа тўғрисида шартнома тузди
11:00 / 14.06.2024
Индонезиянинг Ўзбекистондаги элчиси Тошкентда вафот этди
18:14 / 10.06.2024
Индонезияда беш метрлик бўғма илон аёлни бутунлай ютиб юборди
10:51 / 11.03.2024