Туркия самолётлари Мўсулни озод этиш учун жангларда иштирок этаётгани тасдиқланди

Фото: ТАСС

Туркия ҳарбий авиацияси Ироқнинг Мўсул шаҳрини ИШИД жангариларидан озод қилиш учун бошланган амалиётда иштирок этмоқда. Бу ҳақда Туркия бош вазири Биноли Йилдиримга асосланиб РИА Новости хабар берган.

"Мўсулни озод қилиш учун олиб борилаётган амалиётларда Ироқ шимолидаги Башик лагерида тайёрланган ироқлик ҳарбийлар иштирок этмоқда. Шунингдек, бизнинг самолётларимиз ҳарбий ҳаракатларни ҳаводан туриб қўллаб-қувватламоқда", деган вазир ўз партиясининг парламентдаги фрацияси йиғилишида қилган чиқишида.

17 октябрга ўтар кечаси Ироқ бош вазири Ҳайдар ал-Ободий Мўсулни ИШИДдан озод қилиш учун ҳал қилувчи жанглар бошланганини маълум қилди. ОАВ бу жангларда полиция бўлимларини ўз ичига олган ироқлик ҳарбийлар, курд лашкарлари ҳамда АҚШ бошчилигидаги коалиция иштирок этаётгани ҳақида хабар тарқатганди.

#Туркия самолётлари #Мўсул

Сурияда 2011 йилда бошланган фуқаролар уруши мамлакатни бир неча қисмларга бўлиб ташлаган. Сурия ҳукумати, ИШИД, курдлар ва бошқа турли жангари гуруҳлар ўртасидаги қуролли тўқнашувлар ҳамон давом этмоқда.