"Толибон" радикал гуруҳи жангарилари АҚШ президенти этиб сайланган ва ҳали бу лавозимга киришмаган Дональд Трампга АҚШ қўшинларини Афғонистондан олиб чиқиб кетиш талаби билан мурожаат қилишди. Бу ҳақда Reuters ахборот агентлиги хабар бермоқда.
Жангариларнинг баёнотида "Америка бошқа давлатларнинг мустақиллиги ва суверенитетини тортиб олмайдиган сиёсатга амал қилиши кераклиги" айтилган.
"Энг асосийси – улар (америкаликлар) ўз қўшинларини Афғонистондан олиб чиқиб кетишлари лозим", деб айтганлар толиблар.
