Туркия Brexit’дан кейин Буюк Британия билан савдо келишуви имзолашга тайёрлигини билдирди

Туркия Буюк Британия Европа Иттифоқини тарк этгандан кейин бу мамлакат билан кенг миқёсдаги савдо келишувини амалга оширишга тайёр, деб айтди Туркия иқтисодиёт вазири Нихат Зайбекчи. Бу ҳақда Reuters ахборот агентлиги хабар бермоқда.

"Биз Британия Европа Иттифоқини тарк этиши биланоқ икки давлат ўртасида (Туркия ва Буюк Британия) кенг кўламли савдо келишувини амалга оширишга қарор қилдик", деб маълум қилган Зайбекчи. Вазир келишувнинг тафсилотларини тушунтирмаган.

Июнда Буюк Британияда Европа Иттифоқидан чиқиш бўйича референдум ўтказилгандан сўнг, Зайбекчи Туркия Буюк Британия билан алоқаларни сақлаб қолиш учун тегишли қадамлар қабул қилишига ваъда берган.