Украина ТИВ Польша ҳукуматига норозилик нотаси киритди

Фото: Reuters

Польша пойтахти Варшава шаҳрида 100 минг нафарга яқин миллатчилик кайфиятида кишилар намойиш ўтказишди. У Польша мустақиллиги кунига бағишланди, дея хабар қилмоқда РИА «Новости» агентлиги.

Маълум қилинишича, йиғилганлар муҳожирликка қарши шиорларни айтишган, юришнинг ўзи «Польша – Европа бастиони» шиори остида ташкил этилган. Хабарларга кўра, миллатчилар юриши чоғида Украина давлат байроғи ёқиб ташланган. Шу муносабат билан, Украина ташқи ишлар вазирлиги Польша ташқи ишлар маҳкамасига норозилик нотаси юборган.