Туркия бош вазири вояга етмаганлар билан боғлиқ қонун лойиҳасини рад этди

Туркия бош вазири Бинали Йилдирим вояга етмаган қиз билан жинсий алоқада бўлган эркакка нисбатан, агар жабрланувчига уйланса, жиноий иш қўзғатмаслик бўйича қонун лойиҳасини рад этди. Бу ҳақда BBC қилмоқда. 

Бош вазир ўз қарорини ҳужжат бўйича парламентда овоз бериш бошланишидан аввал қабул қилган. 

Таъкидланишича, қонун лойиҳаси мамлакатнинг ўзида норозиликлар тўлқинига ҳамда халқаро майдонда кенг муҳокамаларга сабаб бўлган эди. Ҳужжат танқидчиларининг фикрича, бу қонун зўрлаш ҳолатлари кўпайишига ва вояга етмаганлар никоҳи кўпайишига олиб келиши мумкин эди. 

Бундан аввал, Туркия парламенти депутатлари шу мазмундаги қонун лойиҳаси бўйича овоз бериши ҳақида хабарлар пайдо бўлган эди.