Тошкентдаги Кўзи ожиз болалар махсус мактаб-интернатида спорт мусобақаси ташкиллаштирилди

Ўзбекистон Миллий Паралимпия Ассоциацияси жорий йилнинг декабрь ойида “Халқаро ногиронлар куни”га бағишлаб Тошкент шаҳридаги махсус мактаб- интернатларида паралимпия спортини янада ривожлантириш мақсадида бир қатор спорт мусобақаларини ўтказишни режалаштирмоқда. 

Жумладан, 6 декабрь куни Тошкент шаҳридаги Кўзи ожиз болалар махсус мактаб-интернатида енгил атлетика, армрестлинг ва дзюдо спорт турлари бўйича мусобақа бўлиб ўтди. Мазкур мусобақада 50дан ортиқ болалар иштирок этди.

Тадбир сўнгида Ассоциация томонидан барча иштирокчиларга эсдалик совғалари топширилди.