Жаҳон банки Туркия ва Озарбойжонга деярли 1 миллиард доллар беради

Фото: Google image

Жаҳон банки Туркия ва Озарбойжонга 800 миллион долларлик кредит тақдим этишни режалаштирмоқда. Бу Транс-Анатолия газ қувурини барпо этишга йўналтирилади, деб хабар берди RNS Жаҳон банки баёнотига асосан.

«Жаҳон банки директорлар кенгаши Транс-Анатолия газ қувурини қуриш учун Туркияга 400 миллион ва Озарбойжонга 400 миллион доллар миқдорида кредит беришни маъқуллади», - деб хабар берган банк.

Маълум бўлишича, ушбу лойиҳа Озарбойжондаги газ конларидан олинган табиий газни Туркияга, шунингдек, Озарбойжон экспорт бозорини диверсификация қилиш учун унинг ҳудуди орқали – Европага етказиб беришни назарда тутади.

Аввалроқ, Еврокомиссия Озарбойжонда газ қувури қурилишини маъқуллагани хабар қилинганди.