Америкада «арзон» уч ғилдиракли спорткар ишлаб чиқилди

Американинг Vanderhall компанияси «арзон» уч ғилдиракли Venice автомобилини тақдим этди. Карбонли кузовга эга машина шассиси алюминийдан ясалган бўлиб, унга General Motors двигатели ўрнатилган. Унинг нархи 29 минг 950 доллардан бошланади. Бу эса, фирманинг илк трицикли Laguna моделидан 20 минг долларга арзонроқдир. Спорткар Laguna трициклининг алюминий шассисида барпо этилган бўлиб, вазни 623 килограммни ташкил этади. 

Vanderhall Venice 1,4-литрли, 200 от кучига эга турбомотор жойланган. У 6 босқичли автоматик узатмалар қутиси билан ҳамкорликда ишлайди. Трицикл беш сонияда “юз”га чиқа олади. Трициклнинг энг юқори тезлиги 210 километрни ташкил этади. 

Уч ғилдиракли спорткарга ABS тормоз тизими, совуқ кунларда исийдиган ўриндиқлар, Bluetooth стереотизимларига эга. Кузовнинг орқа қисмида 75 литр ҳажмдаги унча катта бўлмаган юкхона ҳам бор. 

Vanderhall фирмаси Venice моделидан ташқари, Laguna спорткарини ҳам таклиф этади. Унинг нархи 49,9 минг доллардан бошланади.