Уммон террорчилик билан курашувчи ислом коалициясига қўшилди

Фото: Reuters

Уммон Ар-Риёд бошчилигидаги террорчилик билан кураш ислом коалициясига қўшилди, деб хабар қилмоқда Рейтер Саудия Арабистонидаги расмий вакилга асосан.

Саудия Арабистони ўтган йилнинг декабрида маркази Ар-Риёдда жойлашган террорчилик билан кураш бўйича кенг қамровли мусулмонлар коалицияси тузилиши ҳақида эълон қилганди. У ҳарбий амалиётларни мувофиқлаштириш ва қўллаб-қувватлашга йўналтирилган.

Агентлик маълумотларига кўра, султонлик ҳукумати таркибига 40 давлат кирувчи альянснинг бир қисмига айланишни истаган. Бу ҳақда Саудия Арабистон валиаҳд шаҳзодаси, мамлакат мудофаа вазири Муҳаммад бин Салмонга йўлланган мактубда айтилади.