Суриядаги операциялар бошланганидан буён йўқ қилинган ИШИД жангарилари сонига аниқлик киритилди

Туркия армияси Сурия шимолида "Фрот қалқони" операцияси бошланганидан буён ИШИД террорчи гуруҳининг 1171 нафар жангариси ва 291 нафар курдлар тўдаси аъзосининг йўқ қилинганлиги тўғрисида маълум қилди. РИА "Новости" шу ҳақида хабар берди. 

"Фрот қалқони" операциясига старт берилган вақтдан бошлаб, 1294 ИШИД террорчиси қўлга олинган, улардан 1171 нафари ўлдирилган, 117 нафари жароҳат олган ва 6 нафари асирликка олинган. Шунингдек, Сурия курдлари мудофаа кучларининг 306 нафар жангариси қўлга олинган, улардан 291 нафари ўлдирилган, 4 нафари жароҳат олган ва 11 нафари таслим бўлган", - дейилади манбада.

Бундан ташқари, террорчиларнинг Сурия ҳудудларида банд қилган 883 объекти йўқ қилинган.