Хитой ЯИМ ўсиш суръати 2016 йилда 26 йил давомидаги энг ёмон натижани қайд этди

Фото:Tomohiro Ohsumi / Bloomberg

Хитой ялпи ички маҳсулоти ўсиш суръати 2016 йилда 6,7 фоизга етди. 2015 йилда бу кўрсаткич 6,9 фоизни ташкил этган, деб хабар берди РИА «Новости» мамлакат статистика бюросига асосан.

«Тахминий маълумотларга кўра, Хитой ЯИМ 2016 йилда 74,41 триллион юань (деярли 10,84 триллион АҚШ доллари)ни ташкил этди. Бу ўтган йилга қараганда 6,7 фоизга кўпроқ. Хусусан, йилнинг биринчи чорагида ЯИМ ўсиши – 6,7 фоиз, иккинчи чоракда – 6,7, учинчи – 6,7 ва тўртинчи чоракда – 6,8 фоизга тенг бўлди», - дейилади Хитой давлат статистика бюроси материалларида.

Бу 26 йил давомидаги энг паст кўрсаткич бўлишига қарамай, у ҳукуматнинг расмий башоратини тасдиқлади.