Ўрта махсус таълими масаласида етарлича маълумотга эга эмасмисиз? Ёки ушбу йўналишда муаммолар, ариза, шикоят ва таклифларингиз борми? Унда сиз учун ажойиб янгилик бор.
Фарғона вилоят ўрта махсус, касб-ҳунар таълими ҳудудий бошқармаси бошлиғининг виртуал қабулхонаси ўз ишини бошлади. Бу ҳақда бошқарманинг матбуот хизмати хабар берди.
Виртуал қабулхона орқали ўз мурожаатингизни тўғридан-тўғри Фарғона вилоят ўрта махсус, касб-ҳунар таълими ҳудудий бошқармаси бошлиғининг виртуал қабулхонаси http://murojaat.urtamaxsus.fargona.uz/uz/ сайти манзили орқали юборишингиз мумкин.
Бундан ташқари, (0373) 244 31 28 телефон рақамларига боғланиб ҳам шикоят, ариза ёки таклифларингизни айтиш имкони тақдим этилади.
