Трамп: Эрон Ироқни аста-секинлик билан босиб олмоқда

АҚШ президенти Дональд Трампнинг фикрича, Эрон Ироқнинг тобора кўпроқ ҳудуди устидан назорат ўрнатмоқда. Бу ҳол, Вашингтоннинг сарфлаган маблағларига қарамай юз бермоқда. 

"АҚШ 3 трлн доллар сарфлаганига қарамай, Эрон Ироқни тобора кўпроқ ва зудлик билан эгаллаб олаяпти. Бу қачондан буён аниқ нарса!", - деб ёзган Трамп Twitter саҳифасида.

Аввалроқ, давлат раҳбарининг миллий хавфсизлик масалалари бўйича ёрдамчиси Майкл Флинн, журналистлар учун ўтказган анъанавий брифингида, Қўшма Штатлар Эроннинг баллистик ракета синовини қоралашини айтган эди. Вашингтон, бу каби ҳаракатларни минтақадаги хавфсизлик ва барқарорликка раҳна солувчи деб ҳисоблаши сабабли Теҳронга расмий огоҳлантириш беради. 

Кейинроқ, Оқ уй вакиллари жавоб чораларининг "кенг доираси"ни кўриб чиқаётганини маълум қилишган эди.