Самарқанд шаҳри ҳокими ўзгарди

3 февраль куни Халқ депутатлари Самарқанд шаҳар Кенгашининг навбатдаги ўн тўртинчи сессияси бўлиб ўтди.

Сессияда Самарқанд шаҳрининг янги ҳокими таништирилди. Kun.uz манбасининг маълум қилишича, бугундан эътиборан Воҳид Санақулович Раҳимов Самарқанд шаҳри ҳокими вазифасига киришди.

У шу кунгача Пастдарғом тумани ҳокими сифатида фаолият юритиб келган. Воҳид Раҳимов янги лавозимда Шукуров Акбар Сафаровични алмаштирди.