Қирғизистонда террорчиларни молиялаштирган кимса қўлга олинди

Қирғизистон Миллий хавфсизлик давлат қўмитаси ходимлари Қирғизистоннинг террорчиларни молиялаштиришда гумон қилинган фуқаросини қўлга олдилар. Бу ҳақда қўмита матбуот хизматида маълум қилинди.

Таъкидланишича, қўлга олинган гумонланувчи Ўш вилоятилик 32 ёшли шахс бўлиб, у 2012 йилда Миср ва Суриянинг диний муассасаларида ўқиган. У ўша ерларда халқаро террорчилик ташкилоти етакчилари билан танишиб қолган. 

2012 йилда гумонланувчи улар билан араб давлатларидан бирида террорчилик гуруҳларини молиялаштириш учун бизнес ташкил қилган.

2015 йил январда у Қирғизистонга қайтган. Бу ерда гумонланувчи ўз ишини очиб, террорчиларга пул жўнатишни давом эттирган.

Ушбу ҳолат юзасидан тергов олиб борилмоқда.